የተጉለት ህዝብ መሰረታዊ አገልግሎቶችን እንዲያገኝ እናግዝ

 ከጠጠር ዋሻ አማኑኤል እስከ ወንፈስ ቆላ አማኑኤል የመንገድ ፕሮጀክት

በአማራ ብሔራዊ ክልል፣ ሰሜን ሸዋ ዞን፣ ሞጃና ወደራ ወረዳ፣ እንግድዋሻ ቀበሌ ከጠጠር ዋሻ አማኑኤል እስከ ወንፈስ ቆላ አማኑኤል የመንገድ ፕሮጀክት ከሁለት ዓመት በፊት ተጀምሮ ተቋርጦ የነበረ ቢሆነም ከሰኔ 1 ቀን 2015 ዓ.ም. ጀምሮ እየተከናወነ ይገኛል፡፡ የፕሮጀክቱ ጠቀሜታ እንደሚከተለው ይገለጻል፡-

አካባቢው መንገድ ስለሌለው እናቶች በልምድ አዋላጅ እየወለዱ ሕይወታቸው ማለፉና ጤና ማጣታቸው አሳሳቢ ችግር ላይ ሲሆኑ፤ መንገዱ ከተሰራ ግን ይህ ችግር ይስተካከላል፡፡

ዕቃ አጓጉዞ የመጠጥ ዉኃ መገንባት ባለመቻሉ ማህበረሰቡ በዚህ ዘመን ንጹህ የመጠጥ ዉኃ ያለማግኘቱ እየተቸገረ ይገኛል፡፡ መንገዱ ከተሰራ ግን የዉኃ ችግር ይወገዳል፡፡

ወንፈስ ቆላ አማኑኤል ትምህርት ቤት ቢኖርም የተሻለ በጎአድራጊዎች መርዳት ቢችሉና ቢገኝ እንኳን በመንገድ ምክንያት ሳይረዳ በመቅረቱ ወይም የተሻለ ግንባታ ባለመኖሩ ትምህርት ላልደረሳቸው ማድረስ አልተቻለም፡፡ መንገድ ካለ ግን ይህ ችግር ይስተካከላል፡፡
በወንፈስ የሚገኘው ገልብጥ አማኑኤል ታሪክ ያለውና የተመሰረተው በአጼ ናዖድ ዘመን ሲሆን የስም ትርጓሜውም ሁለት ወንድማማቾች ተካክደው በሀሰት ሊምሉ መጥተው በሀሰት ምለው ሲመለሱ መንገድ ላይ በመሞታቸው የተሰየመ ነው ይባላል፡፡ ሌላው የቤተክርስቲያኑን ቅርስ የሰረቀ ሰው ከነእቃው ተገልብጦ ሞቶ በመገኘቱ ነው የሚባልም አለ፡፡ ቤተክርስቲያኑ ግራኝ አህመድ ኢትዮጵያን በወረረ ጊዜ አብያተክርስቲያናትን እየዞረ ሲያቃጥል ያልተቃጠለ ብቸኛ በመሆኑ ታሪካዊነት ስላለው ጎብኝዎች ቢያዩት የሚለው አንዱ ዓላማ ነው፡፡ የገልብጥ አማኑኤል ፀበል ፈዋሽ በመሆኑ በፀበሉ መጠቀም የሚፈልግ ብዙ ማህበረሰብ ቢኖርም በመንገድ ምክንያት ሳይጠቀሙ መቅረታቸው ይታወቃል፡፡ መንገዱ ከተሰራ ግን ይህ ችግር ይስተካከላል፡፡

እንግድዋሻ የተባለው ታሪካዊና አርበኞች ከጣሊያን ወራሪዎች ጋር ሲፋለሙ በመኖሪያነትና ህዝቡን ከእልቂት በማትረፊያነት ይጠቀሙበት የነበረው ዋሻ ወንፈስ ስለሚገኝ ለመጎብኘት መንገዱ ወሳኝነት አለው፡፡ ይህም የቱሪስት መስህቡን በማስጎብኘትና የማህበረሰብ ሎጅ ለመገንባት ለአካባቢው ህዝብ ጠቀሜታ ይኖረዋል፡፡

የመንገዱን ስራ የወረዳው መንገድ ትራንስፖርት ጽ/ቤት በጥብቅ ዲሲፕሊን እየተከታታለው ይገኛል፡፡ ህብረተሰቡም ለመንገድ ስራ ጥሩ ግንዛቤ ያለው በመሆኑ ግብር በሚክፍሉበት ወቅት በአባወራ 1000 ብር በነፍስ ወከፍ ከፍለው በተዋጣው መዋጮ ስራው እየተከናወነ ይገኛል፡፡ 9 ኪሜ ርዝመት ያለው መንገድ ቆረጣ በ ኤክስካቫተርና ሎደር እየተካሄደ ይገኛል፡፡ ክረምቱ እስከሚገባ ስራው የሚቀጥል ሲሆን በገንዘብ እጥረት ምክንያት ስራው እንዳይስተጓጎል ታግዙንና ላልሰሙም ታሰሙልን ዘንድ እንጠይቃለን፡፡

ስራው እስካሁን ከተጠቀምነው 1.6 ሚሊዮን ብር በተጨማሪ በትንሹ 2.5 ሚሊዮን ብር ይጠይቃል፡፡ ይኸውም

የቆረጣ 100 ሰዓት 8300 ብር በሰዓት ድምር 830 000 ብር፣ ኤክስካቫተር 100 ሰዓት በሰዓት 4580 ብር ድምር 458000 ብር፣ አፈር መድፋት 450 ድፌት በዳምፕ 2000 ብር ድምር 900000 ብር፣ ሎደር 312000 ብር ስራን የሚያካትት ነው፡፡

የመንገድ ስራው ኮሚቴ አባላት - ከበደ ኃይሉ፣ አባተ ተድላ፣ ጌታነህ በላቸው፣ አውላቸው ገብረጻድቅ፣ ተገሽ ደግነገር፣ ደመረ ተክለጻድቅና ሸዋፈራ ከበደ ናቸው፡፡ የፕሮጀክቱ አካውንት የኢትዮጵያ ንግድ ባንከ ከጠጠር ዋሻ አማኑኤል እስከ ወንፈስ ቆላ አማኑኤል የመንገድ ፕሮጀክት 1000531335938 ነው፡፡

 

Donkey Language (A humorous story)

 This happened a few years ago and it is a true story. A group of friends made a trip from Debre Birhan to Debre Sina. It was a chilly but enjoyable morning. The chills scratched deep into our flesh, but that alone gave us a certain feeling. As we made the hour-long trip crossing valleys and mountains, we were talking about different issues including the historical importance of the place we were heading to. Even geographically it is a place worth noting. The mountain chain we follow is said to march from Shewa to Tigray. To the left of the mountain, the chilly highlands are sleeping, whereas to the right lowlands neighboring the Afar desert get hotter and hotter like furnace as the day progresses. After about 50 minutes-drive we stopped at the Menelik window, a cliff where one can see the lowland areas through. This was near Tarmaber town. We saw what was said part of the Awash valley across the mist and headed to Tarmaber. At Tarmaber, we saw the small shops, restaurants and houses, and bought food items form the people who came inside the bus. Then, off to Debre Sina. Past Tarmaber, we entered the eerie tunnel. How this tunnel fills you with awe and heaviness as you think a big mountain is reining just above it! Just past the last of the three tunnels made by the Italians during the five year war, we got out of the car and started taking in the brisk air. Everyone was talking about the serenity and beauty of that place which was sometimes cloudy and other times sunny. We took group photos and tasted every moment of our stay. Afterwards, we started our half-an-hour walk down towards the small town. A friend spotted a donkey coming towards us and invited us to bet. The quest was a strange one that everyone kept laughing. The guy was promising to make the donkey’s penis erect only using words. He started saying, “kullll kulll kulll kul kul kul” each time his voice getting louder and saying the sounds longer than before. We saw the donkey act to this immediately. Isn’t it amazing how the young man knew donkey language! The jack started to look for a jennet in every side but there was none. Its penis started to erect. Not only this, it ejaculated. Its semen dropped on the asphalted road. Everyone of us was laughing. Deep inside I felt pity to the donkey.  This is the one thing I remember from that trip. Let me add one more. There was an Indian teacher with us. He was sending voice messages to his wife about our stay at the town, not this donkey one though. Then, the wife was happy for us since she knew us before she went back to India to give birth. Whenever he told her that he saw old people asking for alms, she told him to give them money and he did. They are the most kindly Indians I knew. How kind was our friend! His kindness was unparalleled by anyone I know. The other Indians didn’t befriend or enjoy with locals. 

The End.        

የየግል መርሃችንን ለማስተካከል በጽሑፍ መመለስ ያለብን አስር ጥያቄዎች (ይሞክሩት)

ራሳችንንና በዙሪያችን ያለውን ዓለም በምናይበት መሰረታዊ የሕይወት መመሪያ ወይም አመለካከታችን ላይ መስራት ከፍተኛ የሆነ ጠቃሚ ለውጥ ያመጣልናል፡፡ ይህ የሕይወት መመሪያችን የአመለካከታችን፣ የባሕሪያችንና ከሌሎች ጋር ያሉን ግንኙነቶች መነሻ እንደመሆኑ፤ ተገቢው ትኩረት ሊሰጠው ይገባል፡፡ ስለሆነም እርሱ ላይ ለመሥራት የሚጠቅሙ አስር ጥያቄዎችን ቀጥሎ እናቀርባለን፡፡ ለጥያቄዎቹ ለእያንዳንዳቸው ከአራት እስከ አስር መስመር የሚሆን ምላሽ ይጻፉ፡፡ በመጨረሻም ራስዎን ለመመልከት ዕድሉን ያገኛሉ፡፡ ምላሽዎ ምስጢራዊ ካልሆነ እሱን፤ ከሆነ ደግሞ አጠቃላይ አስተያየትዎን ይላኩልኝ፡፡  

1.       በተሳሳተ ግምት ምክንያት ወደ ውሳኔ በፍጥነት የሄዱበት የሕይወት አጋጣሚ አለዎት? እስኪ ያንን ሁኔታ ይግለጹት፡፡

2.       ያ የተሳሳተ ግምት ምን ነበር?

3.       ስለ ሌሎች ሰዎች የነበሩዎትን የተሳሳቱ ግምቶችንም ያስቡ፡፡ ከነዚያ ግምቶች በዚህ ሳምንት አንደኛውን ለማስተካከል ምን ማድረግ ይችላሉ?

4.       ከአገርዎ ውጪ ወይም በአገርዎ ውስጥ ወደ ሌላ የአገርዎ ክፍል ሄደው ያውቃሉ? እዚያ ምን የተለየ ነገር ተመለከቱ?

5.       የሰዎች ሁኔታና አድራጎት እንደጠበቁት ነበር? እርስዎስ ስለ ድርጊቶቻቸው ምን አሰቡ?

6.       የጉዞ ገጠመኝዎን አሁን መለስ ብለው ሲመለከቱት ሰዎች ስለ እርስዎ ምን ያሰቡ ይመስልዎታል? እነርሱ ስለ እርስዎ የነበሯቸው ሃሳቦች እርስዎ ስለእነርሱ ካነበሩዎት ጋር ይመሳሰሉ ይመስልዎታል?

7.       በጉዞዎ ሰዎችን ለመተዋወቅ ችለው ከነበረ ያ አጋጣሚ ስለነእርሱ የነበሩዎትን አስተሳሰቦች እንዴት ቀየራቸው?

8.       ወደ ቤትዎ ወይም ወደ ስራ ቦታዎ ሊወስዱዎ የሚችሉ የተለያዩ መንገዶችን ያስቡ፡፡ የተወሰኑት መንገዶች ከሌሎቹ በበለጠ ውስብስብ ናቸው? አንዱ መንገድ ከሌሎቹ በተለየ አመቺ ነው? ለምን ሆነ? ወይስ ለምን አልሆነም?

9.       ወደ ቤትዎ የሚወስድ እስካሁን የማያውቁት መንገድ አግኝተው ያውቃሉ? በተለያዩ መንገዶች መሄድ ያመጣብዎት ያልተጠበቁ ስሜቶች ምንድን ነበሩ?

10.   አሁን ከሰዎች ጋር የሚግባቡበትንና የሚኖሩበትን መንገድ ያስቡ፡፡ የተለያዩ ሰዎችን የመቅረቢያ መንገዶች ያሉ ይመስልዎታል? ምን ዓይነት አዳዲስ መንገዶችን ሊሞክሩ የሚችሉ ይመስልዎታል?   

ጠባሴ ላይ እንደ አሜሪካ መስራት አትችልም

 ጠባሴ ላይ እንደ አሜሪካ መስራት አትችልም።

ትናንት ምሽት ወደ ቤት የገባሁት ከምሽቱ ሁለት ሰዓት ሳይሞላ ነበር። በዕለቱ የነበሩኝን ሥራዎች የሠራሁበትን ሁኔታ ለማጤንና ለተመስጦ የተወሰኑ ደቂቃዎች ወስጄ ነበር። በእርግጥ ሁለት ክፍለጊዜ ከማስተማር በዘለለ የግል ሥራዬን ነበር የሠራራሁት። ሐሙስ እንደመሆኑ መጠነኛ የቤተመጻሕፍት ውይይትም ነበረች። ከተመስጦ በፊት ከሞባይሌና ከወረቀቶች ማስታወሻዎቼን ካየሁ በኋላ ወደ ኮምፒውተሬ ገለበጥኳቸው። ካደረ ስለሚዘነጋና የሐሳቡም መዘግየት ለተግባር ስለማያበቃው ነበር ይቺን በመልክ በመልኩ የማስቀመጥ ተግባር ያከናወንኩት። የመሰብሰብ ሥራ በየሚያስፈልገው ቦታ ተቀምጦ ለመደራጀትና ለመተግበር ካልበቃ ዋጋ የለውም ይል የለ ዴቪድ አለን። በእርግጥ በቀን ከሁለት ያላነሱ ገፆችን ወደ ኮምፒውተሬ አሰፍራለሁ። ይህን አሰልቺ የአሰራር አመል ምናልባት ቁራጭ ወረቀትና እስኪርቢቶ ከማይለየው አንድ ዘመዴ የወሰድኩት ይመስለኛል። ወደፊት እርግፍ አድርጌ ለመተው አስባለሁ። 

"ይህን ሁሉ የሐሳብ ክምር አንድ መላ ካልዘየድኩለት አስጨንቆ ሊገድለኝ ነው።" 

"ምን መላ አለው ብለህ ነው? ካልሞትክ አይተውህም!" 

"ሆሆይ! የስንት መጽሐፍ፣ ገጠመኝና ምልከታ ውጤት እኮ ነው። በቀላሉ መች እተወዋለሁ።"

"ትተወዋለህ። ያቺ ትንሿ ኮምፒውተር ስትበላሽ ይዛ እንደጠፋችው ፋይል።"

"ኧረ ተወኝ። አሁን ከዚያ ተምሬ ጉግል ድራይቭ ላይ አድርጌ የለም ወይ?" 

ሁለታችን ስንጨቃጨቅ ቆይተን የፌስቡክ አመል ውል አለችኝና ገባ ብዬ የዕለቱን ወሬ ቃርሜ ወጣሁ። 

ተመስጦ ለማድረግ በዚህ ዓመት መቸገሬን ባውቅም ገባሁበት። በቪዲዮ የተመራ እንዳላደርግ ኢንተርኔቱ ማታ ደካማ ነው። የአስር ደቂቃዋ ሰላሳ ደቂቃ ትወስዳለች። በዚያ ላይ የዩቱብ በየደቂቃው ማስታወቂያ መልቀቅ አሰልችቶኛል። ስለዚህ በራሴ የተወሰነ የትንፋሽና የማስታወስ ሥራ ሰርቼ በአንድ አፍታ ጨረስኩ።

ቤቱ በአጭር ዓመታት ማርጀቱ የለውጥን አስፈላጊነት አስታወሰኝ። ይህንና በርካታ የኑሮ ዘይቤ ለውጦችን ሳይቀር ነው በማስታወሻዬ የማሰፍረው። እንደገባሁ የሌሊት ልብስ ስለብስ ነበር ብርዱ የጀመረኝ። ስቶቭ ለኩሼ ለተወሰኑ ደቂቃዎች እሳት መሞቅ ጀመርኩ። ሁልቀን ትዝ የሚለኝ የኢዮብ መኮንን "ተርቦ እሳት ይሞቃል" የሚለው ዘፈን ትዝ አለኝ። በፈቃዴ ያደረኩት መራብ አእምሮዬን ያሰላዋል። የፍላጎቶች መገደብ የሚያመጣውን ሁሉ እፈልገዋለሁ። ሰዓቴን ሳይ የክለብሐውስ የኦንላይን ቡክ ክለብ ውይይታችን መድረሱ ታወሰኝ። እዚያው እሳቱ ጋ ሆኜ መሳተፍን ፈለግሁ። በእርግጥ ማስታወሻ የያዝኩት በኮምፒውተሬ ነው። ኮምፒውተሩንም ኩሽና አምጥቼ ከፈትኩ። ኢርፎኔን ሞባይሌ ላይ ሰክቼ ውይይቱን ስከታተል አንድ ቅር የሚለኝ ነገር አለ። ይኸውም ተኩስ ቢሰማ አያሰማኝም የሚል ነው። "ቢሰማህስ ምን ልትሆን!" ይለኛል

አእምሮዬ። "ለጠቅላላ ዕውቀት ነው።" 

የዛሬው ውይይት ሰማኒያ በመቶ ሴቶች ያሉበት ነው። በእርግጥ ወደ ሴቶች የመጽሐፍ ውይይት ክበቦች እየተጋበዝኩ መግባት ጀማምሬያለሁ። ያው በዚህ ዓመት መጀመሪያ ትዳር ስለማይገኝባቸው 12 መንገዶች ከፃፍኩ በኋላ ምከረኝ ባዩ በዝቷል። ለምክር ነው እንጂ እንደኔው ዕድሜ የተላለፋቸውን ሴቶች ለትዳር አልፈልጋቸውም። ምን አለፋችሁ! ውይይቱ ቀለጠ። መወያያው የፒተር ቲል "ዚሮ ቱ ዋን" ነበር። ከዚህ መጽሐፍ አንድ ሰው አዲስ ነገር መፍጠር ስለሚችልበት ሁኔታ ደራሲው ከኖረው ልምድ ለመገንዘብ ችለናል። የተለያዩ የቴክኖሎጂ ድርጅቶችን የመሰረተውና ባለ አክስዮን የሆነው ቲል የራሱ ሰራተኞች ከሱ በቀሰሙት ትምህርት ቢሊየነር የሆኑለት ነው። 

አወያይዋ በጽሑፍ እንዳወራ ጋበዘችና ፈቃደኛነቴን ስለገለጽኩላት ገባሁ። ሃሳቤም እንደሚከተለው ነበር። "እኔ ይህን መጽሐፍ ያነበብኩት እንደ አንድ ሥራ ፈጣሪና ነገን እየሠራ እንዳለ ሰው ነው። ከአስር ዓመቴ ጀምሮ የተለያዩ ሥራዎችን የሰራሁ ሲሆን አንድን እንግዳ ነገር ለመሞከር ወደኋላ አልልም። ፒተር ቲልም ሌሎች ካንተ ጋር የማይስማሙበትን ነገር ለይ ይለናል። ሰው ምን ይላል ብዬ ሳይሆን ይህን ሥራ ብሰራው ያስደስተኛል ወይ ከሚለው አንፃር ነው የማየው። የኔን ሕይወትና ገጠመኝ ሌላ ማንም ሰው ስላልኖረው የምሠራው ሥራ ማንም ከሚያስበው ዉጪ መሆን ይችላል ብዬ አምናለሁ። እስኪ እኔ ወሬ እንዳላበዛ አንድ ጥያቄ መልሱልኝ። የምዕራባውያን የስኬት መጻሕፍት ለእኛ አገር ይሰራሉ ብላችሁ ታስባላችሁ?"

አንደኛዋ ዉጪ ያለች ልጅ ስፔን መሰለኝ መናገር ጀመረኝ። የአማርኛዋ ሁኔታ ትግሬ ወይም ኤርትራዊ እንደሆነች ያስታውቃል። በእርግጥ ኦሮሞ፣ አማራ፣ ሙስሊም፣ የተለያዩ እንዳሉ ታዘሰቤያለሁ። "አርፍደህ ስለገባህ ነው እንጂ መጀመሪያ ላይ አዘጋጇን ሰላማን እየጠየቅናት ነበር። በኋላ ደግማ ልትነግርህ ትችላለች። የስኬት መጽሐፍ የማንበብ ፍላጎት ያለውም የሌለውም አለ። በተለይ ኢትዮጵያ ሆኖ ካለው አሠራርና የግንዛቤ ደረጃም አንፃር የምዕራቡን ሐሳብ እንዳለ ለመውሰድ ይከብዳል። የተለያዩ ሁኔታዎች ናቸው ያሉት። ለምሳሌ ባህሉ፣ ኢኮኖሚው፣ ቢሮክራሲው አንድን ሐሳብ ወደ መሬት ላውርድ ስትል ተስፋ ሊያሰቆርጥህ ይችላል። ሌሎች እንደ ጽናት፣ ግብ ማውጣት፣ ጥረት የመሳሰሉት ሁሉም ጋ አሉ። በአካባቢህ ያለው የሥራ ባህል አለመኖር ለሥራ ላያነሳሳህ ስለሚችል እነዚህ መጻሕፍት የማነቃቃት ሥራ ይሰሩልሃል። ብቻ አመጣጥነህ መሄድ አለብህ።" በሐሳቧ ላይ ደጋፊም ነቃፊም ሐሳቦችን ሰምተን ለኔ የማሳረጊያ ዕድል ተሰጠኝ። ሥራን ለመፍጠር ፈጽሞ አዲስ ሥራ የሚለውን በተለይ ለቴክኖሎጂ የሚሆነውን እንደወደድኩት፣ ሌሎች የወሰዱትን ኮፒ የማድረጉን የቻይናን ዓይነቱን ተግባርም እንደየሁኔታው ልሞክረው እንደሚችል ገለጽኩ። አንድ ቦታ ጀምሬ ቀስበቀስ ማስፋፋትን፣ ጠቅልሎ የመያዝንና ብዙኃኑን በዚያ መጥቀሙን መውደዴን ተናገርኩ። ስለመጽሐፉ ስላየኋቸው ዳሰሳ ቪዲዮዎችና ጽሑፎችም አሳወቅሁ። ስላሉኝ ዕቅዶች አቅጣጫ ስናገር ሌሎቹም አብረው የመሥራት ፍላጎታቸውን ገለጹልኝ። ምህንድስና የተማረች ልጅ ከጀመረችው አዲስ ድርጅት ፈጠራ፣ የአእምሮ ንብረት ምዝገባ፣ የገንዘብና ኢንቬስተር አለመኖርን ከሲሊከን ቫሊ ጋር እያነፃፀረች አወጋች። ከተወያዮች አንድ ሦስተኛ የሚሆኑት የሆነ አዲስ ነገር የሚሞካክሩ መሆናቸው ውይይቱን አድምቆታል። የተለያዩ ድረገፆችንና ጠቃሚ አድራሻዎችን አየተላላክን ነው። ቡድናችን በመጽሐፍ፣ በንባብና በውይይት ላይ አንድ ድርጅት ቢመሰርት ጥሩ ነው በማለት ላነሣ ስል ዋይፋዩ ተቀበረጠና ከውይይቱ አስወጣኝ። ዛሬ ስለቀረው ውይይት ነግረውኛል። ስለሐሳቤም እያወራን ነው።

በጎፈቃደኝነት - እንስሳትን በመንከባከብ፣ ለአካል ጉዳተኞች ድጋፍ በማድረግ፣ ታማሚዎችን በመጠየቅ ወይስ በሌላ?

በጎፈቃደኝነት

እንስሳትን በመንከባከብ፣ ለአካል ጉዳተኞች ድጋፍ በማድረግ፣ ታማሚዎችን በመጠየቅ ወይስ በሌላ?

 

በቅርቡ ስለበጎፈቃደኝነት ትምህርት ቀርቦልን ነበር፡፡ እንግዳችን በርከት ስላሉ ከበጎፈቃደኝነት ጋር የተያያዙ ነጥቦች ያስተማሩን ሲሆን፤ በወቅቱ ይዤው ከነበረው ማታወሻ አለፍ አለፍ ብዬ ልጠቃቅስ፡፡ እንግዳችን ትምህርቱን ሲጀምሩ ‹‹ማን ምን እንዲያደርግላችሁ ትፈልጋላችሁ?›› የሚል ጥያቄን ለሁለት ተሳታፊዎች በመጠየቅ ነበር፡፡ ተሳታፊዎቹን እንዲደረግላቸው ለፈልጉት ጉዳይ በምላሹ ምን እንደሚያደርጉም ጠይቀዋቸዋል፡፡  በዚሁም ወደ በጎ ፈቃደኝነት ሃሳብ ገብተው ‹‹ለዚያስ ምን ምላሽ አላችሁ?›› የሚል ነጥብን ጨምረዋል፡፡ ይህም እንዲደረግልን በምንፈልገው አቻ ምን እናበረክታለን የሚል ነው፡፡  

ብዙ ርቀት ከመሄዳችን በፊት ግን እርስዎን ልጠይቅዎት፡፡ በበጎፈቃደኝነት ተሰማርተው ያውቃሉ? ለመጀመሪያ ጊዜስ ስለሃሳቡ መቼ ሰሙ? የዚህን መልስ እያሰቡ ይከተሉኝ፡፡ 

የበጎ አድራጎት ሥራ ሰርቶ ስለማውራት ከአሁን በፊት ስለ ሶሻል ኢተርፕረነርሽፕ ያስተማሩን መስፍን ሰጣርጌ ሲናገሩ ማህበረሰባዊ ለውጥ አራማጆች ስለሠሩት መልካም ሥራ ይናገራሉ ብለውን ነበር፡፡ የዛሬው እንግዳችን ግን ትምህርት ለመስጠትና ለአርአያነት ካልሆነ በስተቀር አድርጌያለሁ ተብሎ አይወራም አሉን፡፡ እርስዎስ ምን ያስባሉ?

መልካምነት ልትገድለው የመጣችውን ትንኝ እስካለማጥቃት የሚደርስ ርህራሄን ሳይቀር እንደሚይዝ አስገንዝበውናል፡፡ ስለበጎፈቃደኝነት ስታስቡ ‹‹ሥራውን ስትሰሩ የሚያውቅላችሁ መዋቅር ያስፈልጋል››ም ብለውናል፡፡ ይህ እንግዲህ የበጎ አድራጎትን ሥራ በተደራጀ መልኩ የመሥራትን ሚና የሚያቅፍ ነው፡፡  ከበጎፈቃደኝነት የሚልቅ አልትሩይዝም (altruism) የሚል ጽንሰሐሳብንም አስተዋውቀውናል፡፡ እስኪ እሱንም እንዲመለከቱት ልጋብዝዎት፡፡ እርስዎ ግን በምን ዓይነት የበጎፈቃደኝነት ዘርፍ ተሰማርተዋል ወይስ ቢሰመሩ ያስደስትዎታል?  እንስሳትን በመንከባከብ፣ ለአካል ጉዳተኞች ድጋፍ በማድረግ፣ ታማሚዎችን በመጠየቅ ወይስ ሌላ?

ራስ ወዳድነትን በተለየ መንገድ እንድናየው ያደረገ ነገርም ጨመሩልን፡፡ በጎፈቃደኝነት ራስን ከማገልገል እንደሚጀምር፣ እንዳንኖር ከሚያደርጉኝ መታቀብ፤ በጤናማ እሳቤ ውስጥ ራስን ማኖርን፣ ከወደቀው እሻላለሁ ብሎ ማሰብንና ጉዳትም ቢያስከትል አገለግላለሁ የሚል እሳቤን እንደሚይዝ አነሱልን፡፡ ራሳችንን ካገለገልን በኋላ ለቤተሰብ የሚተርፍ አስተዋጽኦ ይኖረናል፡፡ ይህን በማድረግ ውስጥ እደሰታለሁ፡፡ በሃገሬ፣ ህዝቤ፣ በሃይማኖቴ በኩል አገለግላለሁ፡፡ ከምንም እሳቤ የበለጠ አስተዋጽኦም እንዳለ እንገነዘባለን፡፡ ምንም ሳናደርግ ስንቀርና ንቁ ህሊናችን ሲሟገተን ለአእምሮ ህመም ሊዳርግ ይችላል፡፡ በጎፈቃደኝነት ከሱ ውድቀት ያድነናል፡፡ በጎ ፈቃደኝነት የራሱ መርሆዎች ያሉትና ሰፊ መሆኑን ያስተማሩን መምህራችንን እያመሰገንን እርስዎም በሰፊው እንዲያነቡና በበጎፈቃደኝነት እንዲሰማሩ እጋብዛለሁ፡፡ ከማንም ምንም ሳንጠብቅ መልካም ሥራ ብናደርግና በመልካም ምግባር ብናገለገል ዓለምን የበለጠ ወደ መልካም ቦታነት እንቀይራታለን፡፡ ለበጎፈቃደኝነት ሥራ ፍላጎት ያላችሁ ብታናግሩኝ ሃሳቦችን ማጋራትና ሥራውንም መሥራት እንደምንችል በዚህ አጋጣሚ ላሳስብ፡፡